رحيل m91bosh اخوكم محمد ..

[m91bosh]

مرحبا

مرحبا اعضاء مرحبا اخوان و اخوات ..

مرحبا بالكل بدون استثناء ..

رح ادخل بالمووضوع دغري

انا رح اطلع من المنتدى بسبب دراستي والله وغربتي

رح سافر ان شاء الله خلال يومين او بكرا ( انا بالسعودية هلق) رح سافر لسوريا

بدي ودع الاهالي و بدي زبط اوراق سفري وفيزا وخرابيط ..

المهم رح سافر لبريطانيا لكمل دراستي ناوي انا ادخل طب بشري ان شاء الله وبعدا اتخصص ان الله وفقني بدراستي

المهم رح غيب كتير بس ما رح تغيبو والله ..

بس اوصل لسوريا ان شاء الله رح كون على اتصال بالمنتدى اكيد بسوريا رح كون فاضي يعني ..

بس لما توصلني الفيزا رح سافر لبريطانيا ومن هون رح يبدأ عذابي بالبعد عن الاحباب وعنكم اكيد

هالمنتدى يا جماعة ما صرلو شي جديد بس بتقدم مستمر .. وان شاء الله للأمام

انا ببريطانيا ان شاء الله زبط وضعي وجيب نت للبيت وكون على اتصال معكم بس بتعرفو ببلاد الغربة يا دوب الواحد ياكل ويعيش

واذا بدي فوت للنت اقل شي بدي كم شهر لأتعود على البلد .

المهم

انا ما رح انساكم جميعا هالمنتدى ما مشي ولا تقدم بجهودي انا ؟

هاد بجهودنا كلنا ايد بإيد متل مو كاتب ماهر بالتوقيع هههه لولا هالشي ما كان مشي المنتدى بنوب

بتمنى منكم الاعضاء اللي هلق موجودين والي بعرفهم واللي ما بعرفهم

تكونو ايد وحدة بهالمنتدى اخوان واخوات وما يفرقكم مشكلة صغيرة او حكي او او او ..

انتو عيلتي التانية والله .

المنتدى رح يستلمو واحد من الاصدقاء مصمم كبير .. وبيعرف كيف يدير وان شاء الله رح يكون احسن مني وبتمنى منكم تعاملوه على هالأساس ..

انو انا هو .. اي شي بدكم ياه احكو معو اي شي بيضايكم سواء منو او من المنتدى احكو معو

طورو المنتدى معو

وانا مهما غبت راجع اكيد وبتمنى شوفكم ولو كان عمري 100 سنة هعههههه

هالمنتدى ما رح يتسكر بإذن الله .. رح يبقى مفتوح للأخر ..

رح يكون بيتنا كلنا .

بدي قول كم كلمة لبعض منكم لأني والله ما رح اقدر احكي مع الكل رح انسى اكيد لأني هلق بحالة يعني الله لا يورجيكم متلبك كتير والله ..

لابس كاب : انت اخي وغالي عللي وانت بهني بلدك عليك انت رافع الراس والله يا سعود والله انت من خيرة واطيب الشباب السعودي اللي شفتون والنعم بالكل بس انت انسان خاص الك معزة خاصة بالقلب

عشنا كتير انا وانت وقبل هالمنتدى وانت بتعرف هالشي .. كنا بمنتدى تاني وكنا نخبص كتير هههه احلى اخ واغلى اخ بتمنى ما تنسا اخوك

لو بدك تغيب عن هالمنتدى الله لا يقدر اتركلي خبر بس كيف بدي لاقيك بس ارجع .. الله يوفقك ويسعدك وان شاء الله ااكيد رح تكون حياتك حلوة بفضل اخلاقك وطيبة قلبك .

ـــــــ

‏love tamer

صوفي ؟

شو بدي قول ؟

انت اخت الي عزيزة على قلبي كتير بتمنى منك تبقى بنشاطك هاد بالمنتدى لنرتقي فيه اكتر واكتر

طيوبة انت كتير اتعرفي على صبايا المنتدى وكوني علاقات لأنك بتنحبي والله ديري بالك على حالك وعلى المنتدى كمان ههه ولا تنسي اخوكي محمد ربي يوفقك ويسعدك بحياتك يا رب

ــــــــ

Dal3souria

اختي ؟ دلع

نور انت فنانة بالتصميم هي واحد اتنين اخلاق تلاتة مرحة اربعة عزيرة على قلبي كتير خمسة بتحبي الكل وطيبة قلبك مالها حدود وستة الكل حاسدك على محمود ديري بالك عليه ولا تنسي اخوكي محمد ربي يوفقكم ان شاء الله وبدي اسمع اخبار حلوة خلال هالصيفية هي او الجاية وانت فاهمتيني منيح .

ــــــ

بنت جنان

نغم

طيوبة كتير مرحة حنونة حساسة كتير ما بعرف ليش بتزودها احيانا ههههه بتمنى ما تتركي المنتدى كرمال اي عضو مين ما كان لا تنسي اخوكي محمد ربي يوفقك بحياتك وان شاء الله تكوني سعيدة بحياتك وربي يوفقك يا رب وديري بالك عحالك

ـــــــ

يارا

يارا ما رح اقدر اوصفها هالبنت بتسأل عن الكل وعني كمان طيوبة كتير حبوبة كمان ربي يوفقك ويسعدك اختي ولا تنسيني بتمنى منك هالشي

ـــــــــ

شعيب المغربي

احلى اخ طيوب حنون حساس رومانسي ربي يخليلك اهلك وامك دير بالك عليها وربي يفرحها فيك وربي يوفقك يا رب اخي شعيب

لا تنساني امانة

ـــــــ

فرفوشة مصر

هههههه طيوبة كتير كتير مرحة نشيطة كتير كتير ضحوكة متلي رايقة دايما لا تعصبي ايوا ..
ربي يوفقك ويسعدك ويخليلك اهلك ويخليكي الهم وترفعي راسهم وشدي حيلك بالدراسة

لا تنسي اخوكي

ـــــــ
leena

اختي الهبولة ؟ متلي ههههههه لا تزعلي مني طيوبة كتير نشيطة كتير حساسة كتير فرفوشة كمان ربي يسعدك ويوفقك يا رب لا تنسي اخوكي وبعتذر كتير على الهبال تبعي هههه انت فاهمة قصدي

ـــــــ
الفراشه

غايبة وافتقدناكي واانا اكتر شي طيوبة رومانسية بتسأل عن الكل ربي يسعدك ويوفقك وان شاء الله تشوفي هالموضوع بس ترجعي ..

لا تنسي اخوكي

ــــــــ

مجنونه تيمو

كمان غايبة ما بعرف شو قصتك

كتير فرفوشة وطيوبة ربي يسعدك اختي وان شاء الله ترجعي لهالمنتدى

ــــــــــ

نبض الاحساس

شاعرنا اخ طيوب جدا شاعر حكيم خواطره من القلب والله بالصميم

فنان موهوب بكلشي وابن البلد ربي يوفقك يا غالي

ــــــــــــ

سنوب دوووج

ههههه يا سنوبي اغلى صديق واخ عشنا حياة كتير حلوة مع بعض سامحني لازم بعد .. لبعيد بس راجع ان شاء الله

ـــــــــ

اكس بي

صديقي الغالي


انت ساعدتني كتير بكتير اشياء

عشنا مع بعض كتير انا وانت وسنوب عشنا ايام مدارس وعشان ايام جنان وهروب و وي وي وي وي هههههه

ربي يوفقك

اخوك
ـــــــــــــ

هاد اللي هلق قدرت عليه

بس والله ما نسيت حدا محدا يزعل امانة

ماهر + ماتركس بتمنى تكون الكم اقلام مميزة هون بهالمنتدى ربي يوفقكم يا رب

ملاك الشام كمان نفس الشي

ربي يوفقكم يا اخواني اخواتي .. ادعولي متل ما عم ادعيلكم من قلبي والله وقسم بالله من قلبي

اذكروني بالخير ان شفتو مني الخير وان شفتو من الشر وشفتو مني شي بيضايق امانة سامحوني امانة بدي سافر وانا مطمن سامحوني جميعا اخواني اخواتي والله بعتذر من الجميع

كنت شايف حالي بالمنتدى ؟ يمكن بس كلو بحكم انو ما بدي حدا يستخف بالادارة بس ..

ما رح انساكم ولا بدي انساكم ولا بدي تنسوني بتمنى هالشي ..

ايد بأيد عمرو هالمنتدى وايدي معكم كانت وهلق لأ بس راجع اكيد ان شاء الله

استرو ما شفتو منا ..

ومتل ما قلت انا بسوريا رح فوت للنت بس سافر لبرا .. ما رح اقدر يعني حاليا انا معكم لمدة قصيرة .

خلال كم يوم اخي الغالي محمد كمان اسمو ههههه رح يستلم المنتدى .

سر ما بعرف اذا الكل بيعرفو

على فكرة انا حاطط بالملف عمري 25 او 26 نسيت هههه

انا بالحقيفة 18 وشوي هههه يعني متلكم

امورة لا بقى تقولي عمو ؟ ايواااا بس كنت ساكت ما بدي افضح حالي ههههههه

الله يكون بعون الجميع مع خالص تحياتي وحبي .

[m91bosh]

مهم كتير :

انا حكيت معو لمحمد قلتلو كل المشرفين بيضلو متل ما هن وقلي اكيد بدون ما تحكي هالشي رح يكون

يعني محدا يخاف

بس بتمنى محدا يكون حساس كتير من هالناحية الاشراف بيكون مسؤولية واذا كنت عضو ؟ معناها انت عضو معنا عم تفيدنا ونفيدك وعم تشاركنا حزنا وفرحنا

سواء كنت مشرف او عضو او او

وانا رح يتغير لوني .. وقمر كمان

لأني انا وقمر واحد واللي رح يصير عللي رح يصير عليها بقا رح تبقى معكم هي اكيد واعتبروها انا ..

بس كمان يمكن تنزل من الادارة معي .

بس اهم شي انتو متل ما انتو استمرو ولا توقفو بتمنى هالشي .

[leena]

انشاءالله تروح وترجع بألف سلامة ..

المنتدى منور بوجودك بأي وقت

وانشاءالله يبقى متل ما هو واحسن ..

عم تعتذر على هبلك .. مأنا هبل منك


انشاءالله تنجح بدراستك والله يوفقك

ما طول الغيبة رح نفتقدك ..

[جود]

انشالله تروح وترجع بالسلامه أخي ..

عنجد رح نشتقلك .. الله يوفقك وترجعلنا دكتور وترفع راسنا

ونفرح فيك

وما تزعل لانك رح تبعد ..انت رح تكون معنا دايما ..

هي شهادتك ومستقبلك

دير بالك على حالك .. وادرس منيح ..

وبالنسبه إلك .. انت أخي الكبير بحبك وبحترمك

بتمنى ما كون زعلتك شي مره ..

ربي يوفقك ويسعدك مع الناس اللي بتحبون ..



للمره التانيه .. دير بالك على حالك .. وادرس منيح

مشي !



لا تطول الغيبه علينا .. رح نستفقدلك ..


إختك .. دلع

[فرفوشة مصر]

تروح وترجع بألف سلامة يا محمد

والله كتير راح نشتقلك كتيييير

بس اهم شي دير بالك على حالك وادرس منيح وانشاء الله ربنا يوفقك بحياتك كلها يارب ويخليك لأهلك ولكل اللي بتحبه

وانت اخ عزيز علينا كلنا وماراح ننساك ابدا ابدا ابدا بس يااارب ماتطول الغيبة لانا اتعودنا عليك

وبدعيلك من قلبي تروح وترجع بألـــــــف سلامة ياااارب

مع خالص تحياتي
اختك منى

[M@HER]

فراقك صعب صحيح انني جديد في منتداكم و انا مابعرف شي عنك

بس وشهادة لله انك انسان رائع بكل معنى الكلمة

راح نفتقدك كتير صحيح انت بتغيب عننا بس انت في القلب والعين والروح

ياروع واعظم صديق دير بالك على حالك ببلاد الغربة وان شاء الله ترجعلنا دكتور كبير ورافع راسنا

اما بالنسبة للمنتدى فهو بأيدي امينة ولا تاكل هم نحنا قدها وراح نعمل ونجتهد اكثر بغية تطويره

وليكن شعارنا دائما : يداً بيد نبني منتدانا

ملاحظة:

وين الغنية الي وعدتني بها لسى ماحطيتها انا بفرجيك

هههههههههههههههههههه

مع تحياتي القلبية

مع احزاني ودموعي

اخوك مـــاهـــر

[يارا]

تــــــــــــروحـ وترجعـ بلسلامهــــ حمودهـ

ربيـــــ يوفئكـ وينجحكـ

وانشاللــــــــــــــهـــــــ بترجعـــ بتلائيــــــ المنتدى احسنــــــــ

انتبهـــــــ لدراستكـــــ ولحالكـــــ

تروحـ وترجعـ بلسلامهـ مرهـ تانيهـــ..............

[امورة]

ان شاء الله ترجع بالسلامة محمد

والله راح تكون لك وحشة

ما تعتل هم انت بس اهتم بدراستك وراح ترجع وتشوف المنتدى متل ما كنت واحسن

ان شاء الله

[جنون انثى]

تروح وترجع بألف سلامه يا محمد

والله يوفئك يا رب وينجحك

واحنا ما رح ننساك بنوب ورح اضل متزكرتك لانك اخ عزيز وغالي وخفيف دم والله هههههههههه

رح نشتئلك كتير كتير يا محمد دير بالك على حالك و نشالله بترجع وبتنور المنتدى من جديد

انا كنت بدي ائلك شي بس ما بعرف هلاء ازا بعتلك رساله رح لائيك

تروح وترجع بسلامه كمان مره

[m91bosh]

بشكركم كتير جميعا ..

وانا رح اشتاق للكل والله وبدي ارجع شوف المنتدى احسن بكتير ها

لو محمد ( المدير الجديد ) غير استايل مثلا ما عجبكم او عمل تحديث في مشاكل لا سمح الله احكو معو

بدي كلشي تمام

والاهم ديرو بالكم عحالكم امانة ولا تنسوني جميعا واانا بحب الكل نور والله تسلمي يا غالي ..


ـــــــ


صوفي انا هون مؤقتا عم انطر رسالتك .