مفاجئة مفاجئة ارجو ا منكم الدخول الى هنا وانطوني رايكم

[سامر الرسام]

السلام عليكم احبائي مشاهدين واعضاء منتديات عيون تامر 00000 اليوم احب اكَللكم واخبركم واقع كلية الزراعة جامعة بغداد وكيف هي الحياة هناك وماهي اجوائها 0000؟؟؟؟؟ بس اريد رايكم

نبدا من......ا
العميد :
العميد اطلاقا ميطلع وميراوينة وجهه ابدا ... هاية وحدة.....ثانيا ان معاون العميد موجود 24 ساعة بغرفتة ....وهو علساس موجود لخدمة الطلاب بس هولو تعدمة حتة لابوه ميسوي شغلة.....؟

الامنية :
اما الامنية فعندك لحساب .......كلهم معارف ...بس من تحتاج منهم شغلة يطلعون لايعرفونك ولا شايفينك اطلاقاً ..ويحاولون يصيرون شخصيات بروسنة ...يعني همة حقراء بشكِل..؟

الاساتذة :
الاساتذة الله يستر منهم ميتحاجون ابد واحدهم عبالك رئيس جمهورية ...حاقدين علينة ومنعرف ليش ومعقدين الى درجة ومدهم ياكلونة ويشربون دمنة .......وماخذين نظرة سيئة جدا على الطلاب وحتة ميسلمون من يفوتون .....بس اكو بيهم لا والله كلش حبابين وطيبين وينحطون بالقلب ....؟

الطلاب : ويشمل
الولد :
بيهم انواع هواية ....بيهم الخوش وبيهم المو خوش .... (وهاية شي طبيعي مو ) النوع الاول حقنة مال دراسة يعني جاي بس للدراسة وميحب يتونس ( جاي من ورة خشمة)...وهذا تلكاه 24 يسج قراية خوب تلكَيه ميضيع او يضرب محاضرة لو اذبحة وطابكَ اباب القسم علة طول ( عبالك دجاجة كاركة)./.......النوع الثاني جايين بس للونسة ويدورون كبلات (حبجية) وذولي تلكيهم 24 ساعة دايحين وضاربين محاضرات ويركضون ورة الرايحة والجاية ( بس ممحصلين شي )... أي .... وتلكَيهم لا محاضرات ولا اقلام ولا حتة عزة بعيونهم ...ويدورون ورة الطلاب ملازم استنساخ ...//.والنوع الثالث من الطلاب جايين للونسة وللدراسة ..( وهو هذا الصحيح)..اي ..وتلكيهم حايرين بالدراسة والقراية وبنفس الوقت تلكيهم يدورون كبلات او علاقة حب ...(. مادري شلون رهموهة)...اي....بس شنو ذولي همة الربحانين بالنهاية لان راح يربحون المشيتين (هاية اذا جان الحب حقيقي....والمستوى الدراسي جيد ) ...اي.... بس تلكيهم اكثرهم مضلومين خطية لان ملاكَين التعجبهم او الرايديهة همة ( شي عادي يريدوهة شاطرة ).....والطلاب الحبجية ( أي الداخلين في علاقة حب ) اكو بيهم يردوه تكَضية وكت منا الى اربع سنوات أي بعد التخرج وراهة كلمن يروح لطريقة ( ياخسارة العمر ضاع بلاش ) وبيهم يردون الكبل تباهي (حتة يكولون هذا سبع وكَدهة ) ....وبيهم لا والله يحبون من صدكَ ويردوهة زواج اذا الله سهل ....والله اعلم ( بس الواحد اذا جانت نيتة صافية من البداية ترة امورة كلهة تسهل ..؟؟؟؟؟

البنات :
(ارجو ان ليزعلون علية)
البنات وما ادراك بالبنات العجايب ثم العجايب بيهن مغرورات ورافعات خشمهن للسمة وميتحاجن عبالك هنة كيت وينسلت ( روز بفلم تايتانيك ) شايفات نفسهن شوفة ايحسن هنة وبس بالكلية مع العلم هنة لو يروحن الجادرية او مجمع باب المعظم تلكَيهن زبايل بالنسبة للبنات هناك ...اوكي.... اكو بيهن حبابات ومؤدبات واخلاق عالية بس الفقيرة هم متخلص من الحجي على حقنة ومعقدة ومن هالسوالف التافهة والبنية الحركة واللسان هم ايضا متخلص من حجي الولد( يعني الولد حيرة شنجيبلهم بنية ) ...اي....والبنات بشكل عام بالكلية تلكيهن مصبوغات بكل انواع المكياج ( اذا ترش عليهة سطلة مي يطلع بنتلايت مال حايط ..خبطة مال جص وبورك)...اي...خوب الكعب عينك ولا شافت عبالك دتمشي على بسامير مو كعب وصوتهن عبالك جاكوج يدك بسمار ...واصل السابع جار صوتهن ....واكثرهن يطلعن الصوت تفييك ....خوب اذا بيهن وحدة شايلة شوية جمال ..تعال وشوف شلون تلعب لعب ليشوفهة يكَول بس هية بالكلية....والولد الكمش يركضون وراهن ماعرف شيردون ......(معلينة نرجع الموضوعنة ....)..يعني بشكل عام بنات زبالة × زبالة × زبالة ..والله يساعدنة ..ويساعدهن علينة..................وبعد ماعرف شلون راح تصفة ..وحال الكلية حالة بس التراب والوسخ والمزابل( يعني اذا لبست اسود تتورط من الاتربة ) وحياتنة مكَضيهة من الجمعية للنادي الى المحاضرة ثم للبيت واحنة على هذا الروتين كل يوم ...يعني ملل بملل وماكو حل وماعرف احنة بكلية لو بمعسكر لا وفوكاهة ماكو تعيينات للمتخرجين يعني كَعدة بالبيت لو يطيرون ...( هههههه) حتة واحد يخجل يعزم جماعتة للكلية لان مدرسة عبالك مو كلية وهاية هية كلية الزراعة اذا سامعين بيهة ...


بس ارجوا من اعضاء هذا المنتدى من العراقيين طبعا ان تعطوني رايكم في هذه الكلية التعيسة فقط